How I Started Blogging with Zero Experience
 |
| How I Started Blogging with Zero Experience |
Sach bataun to mujhe blogging ke bare me kuchh nhi pta tha
Jab maise pahli bar blogging ka nam suna tha, tab mujhe lagta tha ki bade-bade experts ka kam hai. Mujhe na SEO samajh aata tha, na websites banana aour na hi article likhna.
Bus YouTube aour Google par videos dekh-dekh kar thoda samajhna start kiya. Fir ek din socha ki try karke dekhte hain. Starting me sab kuch confusing lag rha tha. Kabhi theme cheng kar rha tha, kabhi blog ka nam, aour kabhi topic.
Aour sach bolu to starting ke kuchh din me views almost zero the ๐
Har thodi der me analytics check karta tha ki traffic aaya ya nhi
Starting me sabse jayada problem kis chij me hui
Sabse pahle problem thi content likhne me. Mujhe lagta tha ki articles professional English me hone chahiye. Fir dheere-dheere samajh aaya ki simple language me bhi likhna jayada better hota hai.
Dusri problem thi peteince. Blogging me result jaldi nhi aata. Kabhi-kabhi lagta tha ki sayad ye mere bus ki bat nhi hai.
Lekin fir maine ek chij notice ki_jo log regular kaam kar rhe the wahi dheere-dheere grow kar rhe the.
Fir maine kya Cheng kiya
Maine difficult writing chhod di aour simple human style me likhna start kiya. Jaise kisi friend ko samjha rha hu waise article likhne laga.
Uske baad : Regular posting karne laga. SEO ke basics seekhe. Imag optimize karna seekha. Internal links use karna start kiya.
Aour dheere-dheere blogging intresting lagne lagi.
Abhi bhi learning chal rhi hai, lekin ek bat samajh aagai bloggin me perfect hona jaruri nhi hai, consistent hona important hai.
New bloggers ko kya samjhna chahiye
Agar aap bhi bloggin start kar rhe ho to ek baat yad rakho: starting me log views normal hote hain.
Har successful blogger me zero se hi suru Kiya tha. Aapko bus regular kaam karna hai aour imporove karte rahna hai.
Copy paste content aour shortcut se bachna better hota hai. Long-term me wahi blog grow karte hain jo useful aour natural content likhte hain.
Blogging me peteince sabse important hai
Aaj kal social media ke wajah se log jaldi result expact karte hain. Instagram reel viral hoti hai to lagta hai, blogging me bhi 2-3 din me success mil jayega.
Lekin bloggin thoda different hai. Yaha google ko time lagta hai samjhne me ki aapka content useful hai ya nhi.
Kabhi-kabhi ek articles ko rank hone me weeks ya mahino lag jate hain. Isi wajah se bahut se beginners starting me hi blogging chhod dete hain.
Sach bolu to blogging me talent se jyada peteince important hota hai.
Ek Zaroori bat.
Blogging ek long-term journey hai. Starting me sabr ( peteince) rakhna padta hai. Kabhi traffic kam hoga kabhi motivation bhi down hoga, lekin aap regular kaam karte rahoge to dheere-dheere result milna start ho jata hai.
Aaj bhi bahut kuchh seekhna baki hai, lekin bloggin ne ek cheez jarur sikhai consistency kisi bhi skill ko imporove kar deti hai, aour success tak leke jati hai.
Comments